चलचित्र ‘लप्पन छप्पन २’को प्रमोशनका लागि बेल्जियमकी अभिनेत्री क्यारोलिन कोलिन्डा नेपाल आएकी छिन । चलचित्रमा जासुसको भुमिकामा काम गरेकी क्यारोलिन चलचित्रको प्रमोशनका लागि नेपाल आएकी हुन ।
आफुले ‘लप्पन छप्पन २’मा सानो भुमिकामा काम गरेको भए पनि उक्त भुमिका निकै शशक्त रहेको उनको भनाई छ । उनले आफुने नेपाली चलचित्रका दर्शकको मन जित्ने बिश्वास लिएकी छिन । झण्डै एकदशक मोडलिङमा बिताएकी क्यारोलिन यसै चलचित्रबाट अभनयमा आएकी हुन् ।
नेपाल सहित अष्ट्रेलियाका बिभिन्न स्थानमा छायाँकन गरिएको चलचित्रमा स्वदेशीसँगै बिदेशी काष्ट एण्ड क्रु पनि संलग्न छन् । चलचित्रमा क्यारोलिनसँगै अन्य केही बिदेशी कलाकारको पनि अभिनय रहेको छ ।
मुकुन्द भट्टको निर्देशन रहेको चलचित्र शुक्रबारबाट प्रदर्शन हुँदैछ । एक्सन जनराको चलचित्रमा शिब श्रेष्ठ, सौगात मल्ल, अर्पण थापा, दयाहाङ राईलगायतका कलाकारको अभिनय रहेको छ ।
