टेलिभिजन कार्यक्रम रजतपटका सञ्चालक प्रकाश सुबेदी र नायिका पुजा शर्मा एण्ड कम्पनीको लफडा नयाँ हुँदै होइन । पाए सम्म एकले अर्कालाई पेल्नै खोज्छन् । तर्क दिएर होस् वा कुतर्क गरेरै किन नहोस् ।
झण्डै दुई वर्ष अघि पुजाले प्रकाश सुबेदीलाई दिएको एक अन्र्तवार्ता भाइरल भयो । जहाँ पुजा नेपालका जिल्ला बारे सोधिएको प्रश्नमा चिप्लिएकी थिइन । त्यसो त उक्त अन्र्तवार्ता प्रकाशित भएको लामो समयपछि उक्त क्लिप भाइरल भएको थियो । जसका कारण पुजा र प्रकाशको सम्बन्ध चिसिन पुग्यो । पुजाले अन्य केही मिडियामा अन्र्तवार्ता दिएर आफुले काट्न (सम्पादन गरेर हटाउन) भन्दा भन्दै पनि प्रशारण गरेको भन्दै असन्तुष्टि जनाइन ।
प्रकाशले पनि आफ्नै कार्यक्रम (पहिला प्राइम टिभीमा आउने उनको कार्यक्रम डेढ वर्ष यता एपीवानमा आउँछ) मा जवाफ फर्काए । पुजाको शारिरिक बनावटलाई लिएर उनले छुद्र टिप्पणी गरे । अनि त के चाहियो वार कि पार शुरु भइहाल्यो । धेरैले प्रकाश सुबेदीको आलोचना गरे । प्रकाश सुबेदीले तुरुन्तै माफी पनि मागे । चलचित्र क्षेत्रका केही संस्थाले त प्रकाश सुबेदीको कार्यक्रम बहिस्कार सम्मको निर्णय नै गरे । त्यसपछि पुजा र प्रकाशको सम्बन्ध झन् चिसियो । हुन् त त्यो बेला पनि प्रकाशको कार्यक्रममा अन्र्तवार्ता दिन नमान्दा आफुलाई तुच्छ टिप्पणी गरेको पुजाको भनाई आएको थियो ।
उनीहरु बिचको यो चिसोपन फेरी एकपटक सतहमा आएको छ । यतिबेला सुदर्शन थापा र पुजा शर्माको निर्माण रहेको चलचित्र म यस्तो गीत गाउँछु २ प्रदर्शन भइरहेको छ । चलचित्रले व्यवसायिक सफलता पनि पाइरहेको छ । तर समिक्षात्मक दृष्टिले चलचित्र निकै कमजोर छ । बिहिबार प्रसारण भएको रजतपट नामक कार्यक्रममा प्रकाश सुबेदीले पनि यही चलचित्रको तिनवटा रिपोर्ट प्रशारण गरेका छन् ।
एउटा रिपोर्टमा उनले चलचित्रको व्यवसायिक सफलताको चर्चा गरेका छन् । रेकर्ड ब्रेक व्यापार गरेको उनको रिपोर्टमा समावेश छ । उनले दर्शकले मन पराएको तर समिक्षकले भने राम्रो भन्दा नराम्रो पक्ष बढी भेटाएको उल्लेख गरेका छन् । यति सम्मकी निर्माताहरुले बोरामै पैसा सोहोरिरहेको बताएका छन् ।
अर्को रिपोर्टमा भने उनले चलचित्रको समक्षिा प्रसारण गरेका छन् । समिक्षा मनिष अन्जानले तयार पारेको उनले लिंकमै बताएका छन् । समिक्षा भने उही अन्य समिक्षकले लेखेको जस्तै छ । हरिहर शर्माको अभिनय, अर्जुन पोखरेलको संगीत र छायाँकन पक्ष उनले उत्कृष्ट भनेका छन् । तर, उक्त रिपोर्टमा एउटा गल्ति के छ भने छायाँकार सञ्जय लामा भनिएको छ । तर यसको छायाँकार सौरभ लामा हुन् ।
यस्तै तेस्रो रिपोर्टमा भने पुजाले पलको नाममा इमोशनल ब्ल्याकमेलिङ गरिरहेको उल्लेख गरेका छन् । पलले सार्वजनिक गरेको ६ वटा अडियोले पल प्रति दर्शकको सेन्टिमेण्ट पलाएको अनि पुजाले पनि इमोशनल ब्ल्याकमेल गरेको बताएका छन् । इमोशनल ब्ल्याकमेलिङ नगरेको भए चलचित्र नचल्ने तर्क चलचित्रका महापण्डितहरुले गरेको उनले उल्लेख गरेका छन् ।
उनले प्रसारण गरेका यिनै रिपोर्टलाई लिएर निर्देशक समेत रहेका निर्माता थापाले भने असन्तुष्टि जनाएका छन् । असन्तुष्टि मात्र होइन प्रकाश सुबेदी आफ्नो चलचित्रलाई सकाउन हात धोएरै लागेको आरोप पनि लगाएका छन् । उनले लेखेका छन –
सुदर्शनले प्रकाशले आफ्नो कार्यक्रम किननिदिन आग्रह गरेको बताएका छन् । त्यो प्रस्ताव अस्विकार गर्दा अर्को कार्यक्रममा पुजाको अन्र्तवार्ता माग गरेको तर त्यो पनि अस्विकार गर्दा चलचित्रलाई नै सकाउन लागेको उल्लेख गरेका छन् । यद्यपी सुदर्शनले कार्यक्रम किनिदिन आग्रह गरेको कुराको कुनै प्रमाण पेश गरेका छैनन् । यदि उनीसँग उक्त प्रमाण छ भने प्रसारण संस्थाले पक्कै पनि प्रकाश सुबेदीमाथी एक्सन लिनु पर्छ । प्रेस काउन्सिल जस्ता संस्थाले उनको प्रसारण संस्थामाथी कारबाही गर्नु पर्छ । तर, नबुझेको कुरा प्रकाश सुबेदीले यो कार्यक्रममा चलचित्रको राम्रो पक्षको पनि त कुरा गरेका छन् । चलचित्रले रेकर्डब्रेक ब्यापार गरेको कुरा पनि त गरेका छन् । तर, सुदर्शन किन समिक्षामा मात्र केन्द्रित भए । हो प्रकाशले छायाँकारको नाम गलत लिएकै हुन् । यो गल्ति उनले पक्कै सच्याउलान । तर, त्यसले उक्त समिक्षामा खासै अर्थ राखेको छैन । अनि न त यसले दर्शकको भावनामा कुनै खेलवाड गरेको छ । अनि अर्को कुरा दर्शकले मन पराएका चलचित्रलाई समिक्षकले पनि राम्रै भन्नु पर्ने हो र ? समिक्षकले राम्रा भनेका चलचित्र मात्र बजारमा चल्ने हुन् र ? पक्कै पनि बक्स अफिस कलेक्सन र समिक्षा दुई अलग कुरा हुन् । जुन हरेक चलचित्रकर्मीले बुझ्न जरुरी छ ।
अर्को तर्फ यो चलचित्रको समिक्षा अन्य मिडियामा पनि आएको छ । अन्य सञ्चारमाध्यममा आएका समिक्षाबारे भने सुदर्शनले कुनै प्रतिक्रिया जनाएका छैनन् । सुदर्शनले किन रजतपटकै समिक्षा माथी असन्तुष्टि जनाए त ? यसका दुई कारण हुन सक्छन् – पहिलो उनले दाबी गरे झै पैसाको खेल अर्थात रजतपटको एपिसोड नकिनेको भएर, पुजाले ग्ल्यामर गफमा अन्र्तवार्ता नदिएको भएर, अर्को उही प्रकाश पुजाको पुरानै दुश्मनी ।
