भ्वाइस अफ नेपाल किड्सका बिजेता जेनिस उप्रेतिको स्वरमा ‘बाटो’ बोलको गीत सार्वजनिक भएको छ । जेनिसलाई उनकै कोच प्रमोद खरेलले स्वरमा साथ दिएका छन् । सार्वजनक गीतमा भुपेन्द्र खड्काको शब्द, भानुभक्त ढकालको संगीत र गोपाल रसाइलीको एरेन्ज रहेको छ ।
जेनिसको वास्तविक कथासँग मेल खाने कथामा गीत तयार पारिएको छ । गीतको भिडियो हेर्दा उनको वास्तविक कथा नै देखाउन खोजेको स्पष्ट हुन्छ । प्रमोद खरेलको कन्सेप्ट तथा निर्देशन रहेको भिडियोमा लक्ष्मी बर्देवा, जेनिस उप्रेती, लोकराज अधिकारी, भानुभक्त ढकाल लगायतको अभिनय रहेको छ । अर्जुन तिवारीको छायाँकन रहेको भिडियोमा मिलन बिश्वकर्माको सम्पादन रहेको छ ।
भिडियोमा जेनिसकी आमाको भूमिकामा काम गरेकी लक्ष्मीले आफुलाई यो चरित्र सायद गर्नु नपरेको वा परिस्थिति फरक भइदिएको भए हुने जनाएकी छिन । सामाजिक सञ्जालमा भिडियो सेयर गर्दै उनी भन्छिन – कुनै चरित्र सायद गर्नु नपरेको भए हुन्थ्यो अथवा गर्नै पर्दा पनि परिस्थिति फरक भैदिएको भए हुन्थ्यो जस्तो लाग्ने रहेछ ! धेरैलाई थाहा पाइसक्नु भयो होला मैले भन्न खोजेको सन्दर्भ थाहा नहुनेले पनि भिडियो हेर्दै गर्दा थाहा पाउनु हुनेछ !
