भिटामिन, मिनिरल र पोषणको भरपुर भण्डार हो, माछा । यसमा प्रोटीन, ओमेगा–३, फ्याटी एसिड, भिटामिन कम्पलेक्स, क्याल्सियम जस्ता गुण पाइन्छ । कम वोसोयुक्त स्वास्थ्यबर्धक माछा सातामा एक पटक खाँदा मात्र निकै धेरै लाभहरू पाउन सकिन्छ ।
यस्ता छन् माछा खानुका फाइदाहरुः
क. उच्च रक्तचाप घटाउन
उच्च रक्तचापका समस्या भएकाहरुले माछा सेवन गर्नु निकै फाइदाजनक हुन्छ । यसले शरीरमा कोलोस्टोरको स्तर कम गर्छ ।
ख. मधुमेह नियन्त्रण
मधुमेह रोगीका लागि माछाको सेवन एकदमै लाभदायक हुन्छ । यसले मधुमेहको स्तर घटाउन मद्दत गर्दछ ।
ग. आँखाको ज्योति बढाउन
आँखाको ज्योति बढाउन पनि माछा सेवन लाभदायी हुन्छ । माछा सेवनले दूरदृष्टि, निकट दृष्टि, मोतियाबिन्दु, आँखामा जलन, सुख्खापन जस्ता समस्या घटेर जान्छ।
घ. मुटु स्वास्थ्य राख्न
माछामा ओमेगा–३ र फ्याटी एसिड पाइने भएकाले यसले मुटुको धमनी स्वास्थ्य र सुचारु राख्न सहयोग गर्दछ । मुटुको रोगीलाई माछाको सेवन अत्यन्त लाभदायक हुन्छ ।
ङ. छालालाई चम्किलो पार्न
छालाको समस्यामा पनि माछाको सेवन उपयुक्त मानिन्छ । यसले अनुहारको फुस्रोपन, दाग आदि हटाउन सहयोग गर्छ ।
च. गर्भावस्थामा
गर्भावस्थामा माछाको सेवनले आमा र गर्भको बच्चा दुबैलाई फाइदा पुर्याउँछ । गर्भवतीका लागि आवश्यक भिटामिन, मिनिरल, पोषण माछाको सेवनले पूर्ति गर्छ ।
