काठमाडौं - बलिउड अभिनेता अजय देवगन पछिल्लो समय आफ्नो नयाँ फिल्मका कारण चर्चामा छ । उनले अभिनय गरेको साउथ फिल्म आरआरआर प्रदर्शनको क्रममा रहेको छ । सन् १९९१ मा फिल्म ‘फूल और कांटे’ बाट बलिउडमा डेब्यु गरेका अजयलाई पछिल्लो समय साउथ फिल्मबाट पनि अफर आइरहेको छ ।
हरेक फिल्ममा फरक अवतारमा देखिने अजय कहिलेकाही प्रेम कहानीका कारण पनि चर्चामा आउने गर्छन् । अजयले अभिनेत्री काजोललाई विवाह गर्नु अघि केही अभिनेत्रीहरुसँग प्रेममा रहेका थिए । जसबारे तपाईलाई थाहाँ नहुन पनि सक्छ ।
विवाह अघि अजयको नाम अभिनेत्री करिश्मा कपूरसंग पनि जोडिएको थियो । यी दुई फिल्ममा अभिनयको क्रममा प्रेममा परेका थिए । त्यस्तै अर्की अभिनेत्री तब्बूले पनि अजयसँग विवाह गर्ने सोच बनाएकी थिइन् । तब्बू र अजयको प्रेमसम्बन्धको पनि लामो समय हल्ला चलेको थियो ।
यस्तै रवीना र अजयबीच पनि प्रेमसम्बन्ध रहेको थियो । अजयसँग विवाह गर्ने सपना देखेकी रविनालाई तब्बु कै कारण छोडेका थिए । अहिले अजय काजोलसँग नै पारिवारीक जीवन बिताइरहेका छन् ।
