एभरेष्ट सुर्य बोहरा निर्देशित चलचित्र ‘हेल्लो जिन्दगी’को ‘कता कता’बोलको गीत रिलिज गरिएको छ । मुख्य कलाकार बिक्रम जोशी र दीपिका प्रसाईलाई फिचर्ड गरिएको गीतमा प्रबिशा अधिकारी र प्रताप दासको स्वर रहेको छ । निर्देशक बोहराकै शब्द रहेको गीतमा एलिश कार्कीको संगीत र विष्णु देवाको कोरियो ग्राफी छ ।

वीरञ्जना इन्टरटेनमेन्टको प्रस्तुतीमा महारानी इन्टरटेनमेन्ट युके र एभरेष्ट सुर्य बोहरा फिल्मस्को ब्यानरमा निर्माण भएको चलचित्रमा विक्रम र दीपिकाका अलवा प्रियंका कार्की, विक्रान्त वस्नेत विल्सन विक्रम राई, एभरेष्ट सूर्य बोहरा, सविता गुरुङलगायतका कलाकारको अभिनय रहेको छ ।

हिराल जोशी र विक्रम जोशीले निर्माण गरेको चलचित्रकी कार्यकारी निर्मातामा सिर्जना जोशी महर्जन हुन् । निर्देशक बोहरा र अभिनेता जोशीको कथा रहेको चलचित्रको पटकथा र संवाद बोहरा र अभिमन्यू निरवीले लेखेका हुन् ।

बेलायत र नेपालमा छायांकन गरिएको चलचित्रमा पुरुषोत्तम प्रधानको छायांकन, मित्र डी गुरुङको सम्पादन, एलिस कार्की र गीतमा राजनराज सिवाकोटी संगीत रहेको छ ।