काठमाडौं - साउथ सुपरस्टार प्रभासले नेपाली दर्शकलाई सन्देश पठाएका छन् । उनले नेपाली दर्शकलाई सम्बोधन गर्दै भिडियो सन्देशमार्फत आफ्नो रिलिजको क्रममा रहेको फिल्म ‘राधे श्याम’लाई माया गरिदिन अनुरोध गरेका छन् ।
फिल्म राधेश्याम ११ मार्चमा नेपालका फिल्म हलहरूमा रिलिज हुँन लागेको भन्दै उनले अघिल्ला फिल्मझैँ माया गर्न आग्रह गरेका छन् ।
उनले भने ‘नमस्ते नेपाल । मेरो फिल्म राधेश्याम ११ मार्चमा नेपालका फिल्म हलहरूमा रिलिज हुँदै छ । हेरेर माया गरिदिनुहोला,’ उनले यो भिडियो सन्देश फिल्म ‘राधे श्याम’को नेपाल वितरकलाई पठाएका हुन् ।
पूजा हेग्डेसँग अनस्क्रिन रोमान्स गरेको यस फिल्म आउँदो शुक्रबारदेखि नेपालमा पनि प्रदर्शन हुँदैछ । सन् १९७० को युरोपको सेटिङमा बनेको यो रोमान्टिक फिल्मलाई राधाकृष्ण कुमारले निर्देशन गरेको हुन् ।
प्रकाशित मिति: बिहीबार, मंसिर ८, २०७९ २३:२७
प्रतिक्रिया दिनुहोस्
