फष्टलुक पोष्टर सार्वजनिक गर्दै चलचित्र ‘प्रकाश’को रिलिज घोषणा गरिएको छ । नायक प्रदिप खड्काको जन्मदिनको अवसर पारेर निर्माण टिमले आगामी वर्षको भाद्र १० का लागि रिलिज घोषणा गरेको छ ।
सार्वजनिक पोष्टरमा प्रदिप खड्का र दिया मास्केलाई स्थान दिइएको छ । जुम्लाका बिभिन्न स्थानमा छायाँकन गरिएको चलचित्रले उतैको परिवेश देखाउने छ । दिनेश राउतको निर्देशन रहेको चलचित्रले एक युवाले शिक्षक बन्न गर्ने संघर्षको कथा भन्छ ।
मेहन्द् अधिकारीको निर्माण रहेको चलचित्रमा प्रदिप र दियाका अलवा रेनु योगी, प्रकाश घिमिरे, पवित्रा खड्का, प्रशान्त श्रेष्ठ, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दीपेन्द्र शाही लगायतका कलाकारहरुको अभिनय रहेको छ ।
विकास सुवेदीको कथा रहेको चलचित्रमा राजेश श्रेष्ठको छायाँकन, जिवन थापाको सम्पादन, दिपक शर्मा, तारा प्रकाश लिम्बु र एलिस कार्कीको संगीत र उत्तम न्यौपाने साउण्ड डिजाइन रहने छ ।
