काठमाडौं - नेपाली चलचित्र क्षेत्रकी चर्चित अभिनेत्री करिश्मा मानन्धर केपी शर्मा ओली नेतृत्वको नेकपा एमालेमा प्रबेश गरेकी छिन् ।
कलाकारिता क्षेत्रमा राम्रो छबि बनाएकी करिश्मा यसअघि नै राजनीतिमा प्रबेश गरिसकेकी थिइन् । नयाँ शक्ति पार्टीबाट राजनीति सुरु गरेकी करिश्माले बालकोट पुगेर एमाले अध्यक्ष ओलीलाई भेट गरेकी छिन् ।
उक्त भेटमा एमाले सांसद नवराज सिलवाल र गंगा चौधरी पनि सहभागी रहेका थिए । ओलीसँगको भेटपछि पार्टी प्रबेशको लागि छलफल भइरहेको करिश्माले बताएकी छिन् । यसअघि करिश्माले १२ कक्षा पास गर्दा पनि ओलीले फोन गरेर बधाई दिएका थिए । त्यसपछि ओलीसँगको भेट बढ्न थालेको बताइन्छ ।
प्रकाशित मिति: बुधबार, मंसिर ७, २०७९ २०:१९
प्रतिक्रिया दिनुहोस्
