काठमाडौं - अभिनेता प्रदीप खड्का नयाँ फिल्ममा नौलो अवतारमा देखिएका छन् । उनको नयाँ फिल्म प्रकाश को पोस्टर पनि सार्वजनिक गरिएको छ ।
पोस्टरमा उनी अब नौलो भूमिकामा देखिने प्रष्ट देखिन्छ । फिल्म ‘प्रकाश’को प्रदर्शन मिति पनि घोषणा गरिएको छ । दिनेश राउतको निर्देशनमा तयार भएको यस फिल्म आउँदो भदौ १० गतेलाई प्रदर्शन मिति घोषणा गरिएको छ ।
फिल्मको सार्वजनिक पोष्टरमा प्रदीप र अभिनेत्री दीया मास्के देखिएका छन् । उनीहरु फिल्ममा आमा र छोराको भूमिकामा रहने भएका छन् । फिल्ममा निम्न वर्गीय परिवारमा हुर्किएको एक युवकले सरकारी स्कूलको शिक्षक बन्न गरेको संघर्ष देखाइएको छ ।
फिल्ममा प्रदीप र दीयासँगै रेनु योगी, प्रकाश घिमिरे, रामबाबु रेग्मी, पवित्रा खड्का, प्रशान्त श्रेष्ठ, निरज पन्थी, गोविन्द सुनुवार लगायतका कलाकारको अभिनय रहनेछ ।
प्रकाशित मिति: बुधबार, मंसिर ७, २०७९ २०:१९
प्रतिक्रिया दिनुहोस्
