शुक्रबारबाट नेपाली चलचित्र ‘आकाशे खेती’ र साउथ डब चलचित्रहरु ‘राधे श्याम’ र ‘इटी’ प्रदर्शनमा आएका छन् । मल्टीप्लेक्समा साउथ डब चलचित्रका कारण नेपाली चलचित्रले न्यून शो पाएको छ ।
उदय सुब्बाको निर्माण, निर्देशन रहेको चलचित्र ‘आकाशे खेती’मा गौरव पहारी, विल्सन बिक्रम राई, बुद्धि तामाङ, नीता ढुंगाना, मरिश्का पोखरेल, रविन्द्र झा, रमा लिब्बु, जयनन्द लामा, शिशिर वाङ्देल लगायतका कलाकारको अभिनय रहेको छ ।
विल्सनको पटकथा तथा संवाद रहेको चलचित्रले युवाहरुले विना मिहिनेत पैसा कमाउन देख्ने सपना र तिब्वतियन शरणार्थीको विषयलाई प्रस्तुत गर्नेछ ।
यस्तै साउथ सुपरस्टार प्रभास अभिनीत चलचित्र हो ‘राधे श्याम’ । अर्को चलचित्र ‘इटी’मा साउथ सुपरस्टार सूर्याको अभिनय रहेको छ ।
प्रकाशित मिति: बिहीबार, मंसिर ८, २०७९ २२:४९
प्रतिक्रिया दिनुहोस्
