खोटाङका विभिन्न विद्यालयमा चेतनामूलक सडक नाटक ‘बोध’ मञ्चन गरिएको छ । नाटकले लागुऔषधको प्रयोगले युवा पुस्तामा पर्ने असर, त्यसबाट समाजमा भएका विविध सामाजिक घटना समेटेको छ।
उक्त नाटक खोटाङको हलेसी तुवाचुङका च्यास्मिटार मावि च्यास्मिटार र महेन्द्रद्वय मावि हलेसीमा मञ्चन गरिएको हो । नाटक हलेसी तुवाचुङ नगरपालिकाको आर्थिक सहयोगमा ग्लोबल कनेक्सन मिडिया प्रालिले निर्माण गरेको हो ।
पुर्खाजित राईको परिकल्पना तथा निर्देशनमा तयार भएको नाटकमा जेबी डिसी, ज्योति राई, बृहसमान सुनुवार, योगिन राई, उदिम चाम्लिङ, रोजिना खनाल र तुलसा राईको अभिनय रहेको छ।
नाटकका पात्रसमेत रहेका डिसीले यही विषयवस्तुमा केही वर्षअघि ‘सिग्नेचर’ नामक चलचित्रमा अभिनयसमेत गरेका थिए । त्यही अनुभवलाई यस नाटकमा मिहीन तरिकाले प्रस्तुत गरिएको उनले बताए ।
प्रकाशित मिति: बिहीबार, मंसिर ८, २०७९ ०१:२३
प्रतिक्रिया दिनुहोस्
