काठमाडौं – बलिउड अभिनेत्री आलिया भट्ट १५ मार्च (आज) देखि २८ वर्षमा प्रवेश गरेकी छन् । आलिया पपुलर स्टारकिड्समध्ये एकमा पर्छिन् । उनले आफ्नो बलियो अभिनय कलाबाट छुट्टै पहिचान कायम गरेकी छन् ।

१० वर्षको अभिनय जीवनमा आलियाले करिब १५ वटा चलचित्रमा मुख्य भूमिका निर्वाह गरेकी छन् । जसमा १० वटा चलचित्र हिट भए भने २ वटा फ्लप । तीन चलचित्र भने सामान्य रह्यो । 
यस वर्ष उनीमाथि करिब ९ सय करोडको बाजी लगाइयो । जसमा ८ चलचित्रले सय करोडभन्दा बढी र दुई चलचित्रले दुई सय करोड बढी कलेक्सन गर्‍यो ।

आलिया सन् १९९९ मा बाल कलाकारको रुपमा चलचित्र क्षेत्रमा प्रवेश गरेकी थिइन् । यसपछि उनले १८ वर्षको उमेरमा सन् २०१२ मा चलचित्र ‘स्टुडेन्ट अफ द ईयर’ बाट अभिनेत्रीको भूमिकामा डेब्यु गरेकी हुन् । 

हाईवे, डियर जिन्दगी, राजी, गंगुबाई काठियावाडी जस्ता चलचित्रमार्फत आलियाले आफूलाई सशक्त महिला अभिनेत्रीको रुपमा आफूलाई स्थापित गर्न सफल भएकी छन् ।