काठमाडौं - कोरोनाभाइरसको संक्रमण कम भएसँगै भारतमा अहिले धमाधम फिल्महरु रिलिज भइरहेका छन् । यस्तै गत शुक्रबार रिलिज भएको फिल्म ‘द कश्मीर फाइल्स’ले पनि अहिले बक्सअफिसमा धमाका नै मच्चाएको छ ।
शुरुमा खासै राम्रो कमाई गर्न नसक्ने भनि विश्लेषण गरिएको यस फिल्मले अहिले राम्रो कमाई गरिरहेको छ । पहिलो दिन ३ करोड ५५ लाखको व्यापार गरेको यस फिल्मले कमार्य बढाउदै लगेको छ ।
भारतिय मिडियाका अनुसार यस फिल्मले तीन दिनमा २७ करोड १५ लाखको कमाई गरिसकेको छ । कश्मीर पीडितको कथा बनाइएको यस फिल्मलाई दर्शकले निकै रुचाएका छन् ।
विवेक अग्निहोत्रीको निर्देशनमा तयार भएको यस फिल्ममा अनुपम खेर, मिथुन चक्रवर्ती, दर्शन कुमार, पल्लवी जोशी, पुनीत इस्सर, मृणाल कुलकर्णी लगायतका कलाकारहरुको अभिनय रहेको छ ।
प्रकाशित मिति: बुधबार, मंसिर ७, २०७९ २१:१२
प्रतिक्रिया दिनुहोस्
