कमेडी ड्रामा ‘राजाराम निवास’को ट्रेलर सार्वजनिक गरिएको छ । नवल नेपालको निर्देशन रहेको ड्रामामा राजाराम पौडेल शिर्ष भूमिकामा देखिएका छन् । उनको नामबाट शो को नामङकरण गरिएको हो ।

कमेडी ड्रामा सिरिजमा राजारामको परिवारका सदस्यहरुका बिभिन्न कृयाकलापको माध्यमबाट दर्शकलाई मनोरञ्जन प्रदान गरिने छ । परिवारका सदस्यहरुमा कोहीलाई गफाडी, कोहिलाई कलाकार त कोहीलाई टिकटक स्टारका रुपमा प्रस्तुत गरिएको छ । यस्तै राजारामको घरमा पाहुना पनि आउने छ । चर्चित ब्यक्तित्वहरुलाई पाहुनाका रुपमा ल्याएर कुराकानी हुनेछ ।

सार्वजनिक ट्रेलरमा राजाराम पौडेल, बिमला गिरी, खड्ग बहादुर पुनलगायतका कलाकारको अभिनय देख्न सकिन्छ । पाहुनाका रुपमा भने शिवहरी पौडेल र आनन्द कार्की देखिएका छन् ।

समन अधिकारीको कथा रहेको ड्रामामा महेश दवाडी र दिनेश न्यौपानेको पटकथा, मदन कश्यप घिमिरेको छायाँकन र गौतमराज खड्काको सम्पादन रहेको छ । मी टिभीमा प्रसारण हुने ड्रामालाई रेस्क्यु क्तियशनले निर्माण गरेको हो ।