काठमाडौं । बलिउडका चर्चित अभिनेता सलमान खानले साउथ फिल्ममा इन्ट्री गरेका छन् । उनले फिल्म ‘लुसिफर’को तेलुगु रिमेकमा साउथ स्टार चिरञ्जीवीसँग एकसाथ काम गर्ने भएका हुन् ।
आफूले नयाँ फिल्ममा सलमानसँग जोडिएको बारे चिरञ्जीवीले सामाजिक सञ्जालमार्फत जानकारी गराएका छन् । उनले सलमानसँगको तस्बिर शेयर गर्दै फिल्ममा काम गर्ने मौका पाउदा खुशी लागेको बताएका छन् ।
उनले लेखेका छन् - 'भाइ सलमान खानलाई गडफादरमा स्वागत छ । तपाईको प्रवेशले सबैको उत्साह बढाएको छ ।' फिल्ममा अभिनेत्री नयनताराको पनि अभिनय रहने भएको छ । फिल्ममा सलमानको भूमिका भने खुलाइसकिएको छैन ।
प्रकाशित मिति: बिहीबार, मंसिर ८, २०७९ ०२:२३
प्रतिक्रिया दिनुहोस्
