काठमाडौं - बलिउड अभिनेता अक्षय कुमारले नेपाली दर्शकलाई एक सन्देश पठाएका छन् । उनले आउँदो शुक्रबारबाट प्रदर्शनमा आउने आफ्नो फिल्म बच्चन पाण्डे हेर्न नेपाली दर्शकलाई आग्रह गरेका छन् । सन्देशमा उनले फिल्म बच्चन पाण्डे ले मनोरन्जन दिने भन्दै आफ्ना साथी तथा परिवारहरूसँग हेर्न भिडियोमार्फत सन्देश पठाएका छन् ।
उनले लेखेका छन् - 'नमस्ते नेपाल, मेरो फिल्म 'बच्चन पाण्डे' यहिँ १८ मार्चमा नेपालका हलहरूमा लाग्दैछ । म यो फिल्मलाई तपाइँ आफू आफ्ना साथी तथा परिवारहरूसँग हेर्न आग्रह गर्दछु । यो फिल्म राम्रो बनेको छ भने पूर्णरुपमा कमर्सियल छ । मलाई विश्वास छ । यसले तपालाई भरपुर मनोरञ्जन दिनेछ'
एक्सन र कमेडी मिक्स फिल्ममा अक्षय नौलो अवतारमा देखिएका छन् । फरहाद साम्जीको निर्देशनमा बनेको यस फिल्ममा अक्षयसँगै अरशद वारसी, कृति सेनन, ज्याक्लिन फर्नान्डिज , पंकज त्रिपाठी लगायतको अभिनय रहेको छ ।
प्रकाशित मिति: बिहीबार, मंसिर ८, २०७९ ०९:११
प्रतिक्रिया दिनुहोस्
