काठमाडौं । बलिउडका चर्चित अभिनेता सलमान खानले साउथ सुपरस्टार चिरञ्जीवीसँग एउटै फिल्ममा देखिदैछन् । सलमान साउथ फिल्म ‘लुसिफर’को तेलुगु रिमेकमा देखिने भएपछि यस फिल्मको चर्चा पनि बढेको छ । चिरञ्जीवी र सलमानको लामोसमयदेखि मित्रता छ ।
आफूले नयाँ फिल्ममा सलमानसँग जोडिएको बारे चिरञ्जीवीले सामाजिक सञ्जालमार्फत पनि जानकारी गराएका थिए । उनले लेखेका थिए – ‘भाइ सलमान खानलाई गडफादरमा स्वागत छ । तपाईको प्रवेशले सबैको उत्साह बढाएको छ ।’
यसले उनीहरुको मित्रता कति गाढा रहेछ बुझिन्छ पनि । यस फिल्ममा रोचक कुरा, सलमानले पारिश्रमिक लिएका छैनन् । केमियोका लागि फिल्मका निर्माताले सलमानलाई २० करोडसम्म दिने भएका थिए ।
तर सलमानले पारिश्रमिक नलिने बताए । त्यति मात्र होइन सलमानले पारिश्रमिक लिएर काम नगर्ने पनि बताए । फिल्ममा अभिनेत्री नयनताराको पनि अभिनय रहने भएको छ ।
प्रकाशित मिति: बुधबार, मंसिर ७, २०७९ २२:१०
प्रतिक्रिया दिनुहोस्
