काठमाडौं - केही समयदेखि अभिनेता बबी देओल र अभिनेत्री मनिषा कोइरालाको फिल्म ‘गुप्त’को सिक्वेल चर्चा चल्दै आइरहेको छ । तर चर्चा चलेको लामो समय हुँदा पनि फिल्मको काम अघि बढ्न सकिरहेको छैन । बबी देओल भने पछिल्लो समय अभिनयमा सक्रिय नै छन् । हाउसफुल ४ र रेस ३ जस्ता फिल्ममार्फत अभिनय कमब्याक गरेका बबीको आश्रम अहिले चर्चामा छ । बबी अभिनित सफल फिल्म ‘गुप्त’ को सिक्वेललाई लिएर अहिले विभिन्न चर्चा छन् । फिल्ममा बबी, मनिषा र काजोलको अभिनय रहेको थियो । गुप्तकै निर्देशक राजीव रायले अब फिल्मलाई निर्देशन गर्ने चर्चा पनि चलिरहेको छ । निर्देशक रायले बबीलाई फिल्म लिने पक्का रहेको र अब अरु कास्ट फाइनल हुने बताएका छन् ।