काठमाडौं / स्थानीय तहको निर्वाचन नजिकिएसँगै दलहरुमा चुनावी चटारो बढेर गएको छ । अहिले प्रमुख प्रतिपक्षीदेखि सत्तारुढ दलहरु विभिन्न चुनावी अभियानका कार्यक्रमहरु लिएर जनतासामु पुग्न थालेका छन् ।
सत्ता साझेदार नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ आज (शनिबार) सिन्धुली जाँदैछन् । अध्यक्ष प्रचण्डले सदरमुकाम सिन्धुलीमाढीमा पार्टी कार्यालय उद्घाटन गर्ने कार्यक्रम रहेको छ । प्रमुख स्वकीय सचिव रमेश मल्लका अनुसार प्रचण्डले कार्यक्रम उद्घाटनपछि पार्टीका जिल्लास्थित नेता कार्यकर्तालाई निर्वाचन अभियानमा जुट्न निर्देशन दिनेछन् । अध्यक्ष प्रचण्ड फागुनको तेस्रो साता सम्पन्न केन्द्रीय कमिटी बैठकपछि देशव्यापी निर्वाचन अभियानमा छन् ।
उनले अभियानको क्रममा मुख्य प्राथमिकता एक्लै निर्वाचनमा जाने माओवादीको तयारी रहेको बताउने गरेका छन् । गठबन्धनलाई सहायक प्राथमिकता दिएको उनको भनाइ छ । सत्ता नेतृत्व दल कांग्रेस गठबन्धनसहित निर्वाचनमा जाने भन्नेमा स्पष्ट नहुँदा प्रचण्ड दोधारमा छन् ।
प्रकाशित मिति: बिहीबार, मंसिर ८, २०७९ २२:३०
प्रतिक्रिया दिनुहोस्
