काठमाडौं - बलिउडका चर्चित अभिनेता सलमान खान नेपाल आउने कुरा चल्दै आइरहेको छ । यसअघि पनि सलमान नेपाल आउने चर्चा चलेपछि सेलाएको थियो । उनी आइफा अवार्डमा आउने भनिए पनि सो अवार्डप्रति विरोध भएपछि हुन पनि पाएन ।
अब भने सलमान फिल्मको छायांकनका लागि नेपाल आउन लागेको बताइएको छ । उनी फिल्म ‘टाइगर ३’ का केही दृश्य छायांकनका लागि नेपाल आउने बतायएको छ । सलमान आगामी मेमा नेपाल आउने चर्चा चलेको छ । तर यसबारे आधिकारिक रूपमा सम्बन्धित पक्षले केही बताएको छैन ।
यस अघि पनि बलिउडका चर्चित कलाकारहरु अनुपम खेर लगायतका कलाकार नेपाल आएका थिए । सलमानले स्पाई एजेन्ट टाइगर अर्थात् अभिनाशसिंह राठौरको भूमिका निर्वाह गर्दैछन् ।
प्रकाशित मिति: बुधबार, मंसिर ७, २०७९ २२:३७
प्रतिक्रिया दिनुहोस्
