काठमाडौं - पछिल्लो समय फिल्म ‘द कश्मीर फाइल्स’ चर्चामा छ । रिलिज भए लगत्तै यस फिल्मले बक्सअफिसमा धमाका मच्चाइरहेको छ ।
शुरुमा खासै राम्रो कमाई गर्न नसक्ने भनि विश्लेषण गरिएको यस फिल्मले अहिले राम्रो कमाई गरिरहेको छ । पहिलो दिन ३ करोड ५५ लाखको व्यापार गरेको यस फिल्मले कमाइ बढाउदै लगेको छ ।
भारतिय मिडियाका अनुसार यस फिल्मले अहिलेसम्म एक सय ६७ करोड ४५ लाख भारुको व्यापार गरिसकेको छ । फिल्मले पाइरहेको प्रतिक्रिया र गरिरहेको व्यापार हेर्ने हो भने यसले नयाँ रेकर्ड बनाउने विश्वास गरिएको छ । कश्मीर पीडितको कथा बनाइएको यस फिल्मलाई दर्शकले निकै रुचाएका छन् ।
विवेक अग्निहोत्रीको निर्देशनमा तयार भएको यस फिल्ममा अनुपम खेर, मिथुन चक्रवर्ती, दर्शन कुमार, पल्लवी जोशी, पुनीत इस्सर, मृणाल कुलकर्णी लगायतका कलाकारहरुको अभिनय रहेको छ ।
प्रकाशित मिति: बिहीबार, मंसिर ८, २०७९ २०:१२
प्रतिक्रिया दिनुहोस्
