काठमाडौँ – चीनमा १३२ जना सवार विमान दुर्घटनामा अहिलेसम्म कोही पनि जीवित फेला नपरेको अधिकारीहरुले बताएका छन् ।
चाइना इस्टर्न एयरलाइन्सको ७३७–८०० बोइङ विमान सोमबार दिउँसो गुआङ्सी झुआङ क्षेत्रको पहाडी इलाकामा दुर्घटना भएको थियो ।
दुर्घटनास्थल क्षेत्रमा सयौँ अग्निनियन्त्रक तथा प्रहरीले खोजी गरिरहेका र दुर्घटना भएको २० घण्टा बितिसक्दा पनि कसैलाई जीवित भेटिएको छैन ।
साथै अधिकारीहरुले समेत उक्त दुर्घटनामा भएको हताहतिबारे कुनै जानकारी नदिएको साउथ चाइना मर्निङ पोष्टले उल्लेख गरेको छ ।
विमानमा १२३ जना यात्रु र चालक दलका ९ सदस्य सवार थिए । कुनमिङबाट दिउँसो १ बजेर १० मिनेटमा उक्त विमानले उडान भरेको थियो ।
प्रकाशित मिति: बिहीबार, मंसिर ८, २०७९ ०७:३३
प्रतिक्रिया दिनुहोस्
