काठमाडौं - कोरोना संक्रमण कम हुन थालेपछि अहिले नेपाली फिल्महरु धमाधम प्रदर्शनमा आउन थालेका छन् । पल शाह र पूजा शर्माको फिल्म म यस्तो गीत गाउँछु २ ले पनि दर्शकको मन जित्न सफल भएको छ । यो फिल्म हेर्न हलमा दर्शकको राम्रो नै उपस्थिति रहेको थियो ।
यस्तै सम्राट बस्नेत निर्देशीत फिल्म लाखे को पनि अहिले चर्चा छ । यस फिल्मको प्रदर्शन मिति पनि सार्वजनिक गरिएको छ । यो फिल्म भदौ ३१ गते प्रदर्शनमा आउने बताइएको छ ।
फिल्ममा सौगात मल्ल, आर्यन अधिकारी,अनुप बिक्रम शाही,वर्षा राउत,सुशील सिटौला,अर्पण थापा,प्रशान्त ताम्राकार,रोहित रुम्बा,सन्जोग राणा,रक्षा बुढाथोकी,कालु राना, बाल कलाकार सिस्टम भण्डारी लगायतका कलाकारको अभिनय रहेको छ । फिल्मको कथाकार र निर्माता सिजन अर्याल रहेका छन् ।
प्रकाशित मिति: बुधबार, मंसिर ७, २०७९ २३:०५
प्रतिक्रिया दिनुहोस्
