काठमाडौं - बलिउड अभिनेता सलमान खान नेपाल आउनुअघि सोहेल खान आउने भएका छन् । यहाँको कार्यक्रमबार जानकारी लिन सोहेल आगामी महिना नेपाल आउने भएका हुन् ।
उनी १३ अप्रिलमा नेपाल आउने बताइएको छ । जेठ १४ गते सलमान खान कन्सर्टका लागि नेपाल आउने भएपछि त्यसको तयारी बुझ्न उनी यहाँ आउने भएका हुन् ।उनले यहाँ आएर सलमानको सम्पूर्ण कार्यक्रम तय गर्नेछन् ।
सलमानको ‘द दबङ रिलोडेड टुर’ को स्क्रिप्ट र इभेन्टसमेत सोहेलको कम्पनीले हेर्दै आइरहेको छ । ओडीसी इन्टरटेनमेन्टका प्रबन्ध निर्देशक सिमान्त गुरुङल भने सोहेलजी इभेन्टसँग जोडिनु भएकाले उहाँले आएर तयारी बुझ्नु हुनेछ । हामी उहाँ आएपछि १४ अप्रिलमा पत्रकार सम्मेलन गरेर तयारीबारे जानकारी दिनेछौँ,’ ले भने ।
बुधबार संस्कृति, पर्यटन तथा नागरिक उड्डयनमन्त्री प्रेम आले र बलिउड अभिनेता सलमान खानसँगबीच भर्चुअल संवाद भएको थियो । सो संवादपछि सोहेल खान आउने भएका हुन् । उनीहरुबीच दशरथ रंगशालामा हुने सलमानको ‘दबङ रिलोडेड टुर’ र ‘पर्यटन प्रवद्र्धन’ बारे भर्चुअल संवाद भएको थियो ।
प्रकाशित मिति: शुक्रबार, मंसिर ९, २०७९ ००:००
प्रतिक्रिया दिनुहोस्
