काठमाडौं - फ्रान्सले अन्तर्राष्ट्रिय मैत्रीपूर्ण खेलमा आइभरी कोस्टविरुद्ध जित निकालेको छ । शुक्रबार राति भएको खेलमा फ्रान्सले आइभरी कोस्टलाई २-१ गोल अन्तरले हराएको हो । फ्रान्सले एक गोलको अग्रता उल्टाएर आइभरी कोस्टमाथि जित निकालेको हो । खेलको १९ औं मिनेटमा निकोलस पेपेले गोल गर्दै आइभरी कोस्टलाई सुरुआती अग्रता दिलाएका थिए । तर, खेलको २२ औं मिनेटमा ओलिभर जिरुडले गोल गर्दै फ्रान्सलाई १-१ गोलको बराबरीमा ल्याए । त्यसपछि खेलको इन्जुरी समयमा ओरेलिन चुमेनीले गोल गर्दै फ्रान्सलाई २-१ को जित दिलाए ।