काठमाडौँ – ओस्करको ९४औं संस्करणमा सर्वोत्कृष्ट निर्देशकको उपाधि जेन क्याम्पियनले उचालेकी छन् । ‘द पावर अफ दि डग’का लागि उनले यो उपाधि पाएकी हुन् ।
यसअघि ‘पियानो’बाट निर्देशनमा मनोनयनमा परेकी उनले क्लोइ चाउ (२०२१) र क्याथ्रिन बिगलो (२०१०) पछि ओस्कर जित्ने तेस्रो महिलाको इतिहास रचेकी हुन् । उनी निर्देशित फिल्म ‘पावर अफ दि डग’ सबैभन्दा धेरै विधामा मनोनयनमा पर्न सफल भएको थियो ।
साथै उत्कृष्ट फिल्मको उपाधि कोडाले जितेको छ । सियान हेडर निर्देशित फिल्मले ‘डिफ’ परिवारमा जन्मिएकी महिलाको सांगीतिक यात्राबारे कथा भनेको छ ।
यससँगै सबैभन्दा धेरै विधामा मनोनयनमा पर्ने पहिलो महिला निर्देशक पनि जेन नै हुन् । पावर अफ दि डग सँगै ओस्कर मनोनयनमा दुईपटक पर्ने महिला निर्देशकको रेकर्ड पनि जेनले तोडेकी छन् ।
प्रकाशित मिति: बिहीबार, मंसिर ८, २०७९ ००:०३
प्रतिक्रिया दिनुहोस्
