काठमाडौँ– मुक्तिनाथ विकास बैंक लि ले सामाजिक उत्तरदायित्व अन्तरगत राप्ती गाउँ पालिका– ०८‚ पिपरी‚ दाङ्गस्थित निलसागर असहाय अशक्त तथा ज्येष्ठ नागरिक पून: स्थापना केन्द्र निलसागर सेवाआश्रम का लागि खाद्य वस्तुहरू‚ डस्टबिन तथा अन्य सामग्रीहरू उपलब्ध गराएको छ ।
बैंकले निलसागर सेवाआश्रमलाई एक कार्यक्रमका बीच उक्त सामग्रीहरू हस्तान्तरण गरेको छ । उक्त कार्यक्रममा बैंकका तफर्बाट सिसहनिया शाखाका प्रबन्धक दिपककुमार पाण्डे र अन्य कर्मचारीहरूको उपस्थिति तथा निलसागर सेवाआश्रमका तफर्बाट आधिकारिक सदस्यहरूको उपस्थिति रहेको थियो ।
यस सहयोगबाट निलसागर सेवाआश्रममा बसेका ज्येष्ठ नागरिक‚ अशक्त नागरिकको पुन:स्थापना गर्न मद्दत पुग्ने धारणा बैंकले लिएको छ । मुक्तिनाथ विकास बैंकले आफ्नो सामाजिक उत्तरदायित्वलाई आत्मसाथ गर्दै‚ यस सहयोगबाट सेवा क्षेत्रका नागरिक र व्यक्तिहरूको हितमा काम हुने विश्वास लिएको छ ।
साथै‚ बैंकले डिजिटल कारोबार लाई प्रोत्साहन गर्न यस विकास बैंकको एटिएम प्रयोग गरी नेपालभरि रहेको भिसा नेटवर्कमा आवद्ध अन्य जुनसुकै बैंकको एटिएम मेसिनबाट निशुल्क रकम निकाल्न सकिने व्यवस्था गरेको छ । त्यसै गरी मोबाइल बैंकिङ‚ क्यूआर कोड‚ अनलाइन कर्जा आवेदन‚ अनलाइन खाता खोल्ने‚ इन्टरनेट बैंकिङ‚ खातामै रेमिट्यान्स जम्मा‚ मिसकल बैङ्किङ (बचत सेवाको लागि: ९८०१११००२२‚ कर्जा सेवाको लागि: ९८०१११००२३०) आदि जस्ता सेवाहरू बैंकको शाखामा भौतिक रुपमा उपस्थित नभई घरबाटै उपयोग गर्न सकिने व्यवस्था गरेको छ ।
प्रकाशित मिति: बुधबार, मंसिर ७, २०७९ २०:१२
प्रतिक्रिया दिनुहोस्
