काठमाडौं - अभिनेता कर्मा श्रेष्ठको नयाँ फिल्म 'षट्कोण' को प्रदर्शन मिति सार्वजनिक गरिएको छ । मंगलबार फिल्मको एक पोष्टर सार्वजनिक गर्दै रिलिज मिति पनि घोषणा गरिएको हो ।
पोष्टरमा अभिनेता कर्मा देखिएका छन् । साइकोलोजिकल थ्रिलर रहेको फिल्म आगामी वैशाख २३ गते प्रदर्शनमा आउने भएको छ ।
मिलन डी काप्रिको निर्देशनमा बन्ने यस फिल्ममा कर्मासहित भोलाराज सापकोटा, लोकेन्द्र लेखक, सुयशा अधिकारी, विराज कडरिया, शिशिर लिम्बु वानेम लगायतका कलाकारहरुको अभिनय रहेको छ ।
फिल्मलाई क्लेमेन्टाइन प्रोडक्सन र ट्राभल्स क्रिउ फिल्मस्को ब्यानरमा निर्माण गरिएको हो भने शिशिर लिम्बु वानेमको कथा तथा पटकथा रहेको छ ।
प्रकाशित मिति: बिहीबार, मंसिर ८, २०७९ ०९:४९
प्रतिक्रिया दिनुहोस्
