काठमाडौं – ‘बाहुबली’ निर्देशक एसएस राजामौलीको फिल्म ‘आरआरआर’ ले बक्सअफिसमा धमाकेदार कमाई गरेको छ । एनटिआर र रामचरणको मूख्य भूमिका रहेको यस फिल्मले पहिलो सोमबार १७ करोडको व्यापार गरेको थियो ।
बक्स अफिस इन्डियाको रिपोर्ट अनुसार फिल्मले सोमबार १७ करोड कलेक्सन गरेको हो । फिल्मको हिन्दी संस्करणको ४ दिनमा कुल कमाई ९२ करोड रहेको भारतिय मिडियामा जनाइएको छ । अब यस फिल्मले १ सय करोड कमाउन धेरै बाकीँ छैन ।
शुक्रबारको तुलनामा सोमबार बढी दर्शकले हलमा फिल्म हेरेको बताइएको छ । फिल्मको विश्वव्यापी बक्स अफिस कलेक्सन ५ सय करोड नाघेको छ । आरआरआरले २२३ करोडको साथ विश्वव्यापी ओपनिङ गरेको थियो।
भारतको स्वतन्त्रताको कथा देखाइएको यस फिल्म हेरेर फर्केका दर्शकले राम्रो प्रतिक्रिया दिएका छन् । फिल्ममा एनटिआर र रामचरणसँगै अजय देवगन, आलिया भट्ट, ओलिभिया मोरिस लगायतका कलाकारको अभिनय रहेको छ ।
प्रकाशित मिति: बिहीबार, मंसिर ८, २०७९ ००:२९
प्रतिक्रिया दिनुहोस्
