काठमाडौं – साउथ स्टार अल्लु अर्जुनको फिल्म ‘पुष्पा’ को सफलतापछि अभिनेत्री रश्मिका मन्दन्ना चर्चामा छिन् । उक्त फिल्ममा रश्मिकाको अभिनय दर्शकले निकै रुचाएका थिए।
अहिले रश्मिकालाई एकपछि अर्को फिल्मको अफर आइरहेको छ । भारतिय मिडियाका अनुसार अभिनेत्री रश्मिकाले बलिउड अभिनेता रणवीर कपुरसँग अभिनय गर्ने भएकी छन् । उनले फिल्म ‘एनिमल’मा रणवीरसँग अभिनय गर्ने भएकी हुन् ।
यसअघि यस फिल्ममा अभिनेत्री परिणीति चोपडाले अभिनय गर्ने भनिएको थियो । तर निर्माताहरूले हटाएपछि रश्मिकालाई राखिएको जनाइएको छ ।
निर्माता भूषण कुमार र निर्देशक सन्दीप रेड्डी वांगाले रश्मिकालाई ‘एनिमल’ मा राखेका हुन् । यस फिल्ममा रणवीर र रश्मिकासहित अनिल कपुर, बबी देओल लगायतको अभिनय रहने भएको छ ।
प्रकाशित मिति: बिहीबार, मंसिर ८, २०७९ ००:०४
प्रतिक्रिया दिनुहोस्
