काठमाडौं- इन्डियन प्रिमियर लिग (आईपीएल) टी-ट्वान्टी क्रिकेटमा लखनउ सुपर जाइन्टले पहिलो जित निकालेको छ।
बिहीबार राति भएको रोमान्चक खेलमा चेन्नई सुपर किङ्सलाई लखनउले ६ विकेटले पराजित गरेको हो ।
चेन्नईले दिएको २११ रनको लक्ष्यसहित जवाफी ब्याटिङ गरेको लखनउले १९ ओभर ३ बलमा ४ विकेट गुमाएर लक्ष्य पूरा गर्यो ।
लखनउका जितमा क्विन्टन डी ककले सर्वाधिक ६१ रन बनाए। यस्तै इभिन लेविसले ५५ तथा कप्तान केएल राहुलले ४० रनको योगदान गरे। चेन्नईका ड्वाने प्रिटोरिउसले २ विकेट लिए।
यस अघि पहिले ब्याटिङ गरेको चेन्नईले २० ओभरमा ७ विकेट गुमाएर २१० रन बनाएको थियो।
चेन्नईका लागि रोबिन उथप्पाले सर्वाधिक ५० रन बनाए। यस्तै शिबम डुबेले ४९ रन र मोइन अलीले ३५ रन बनाए।
लखनउका आभेस खान, एन्ड्रयु टे रबि बोस्नोईले समान२ विकेट लिए।
हारसँगै चेन्नईले २ खेलमा अंक जोड्न सकेको छैन। पहिलो खेलमा चेन्नईलाई कोलकत्ता नाइट राइडर्सले हराएको थियो।
जितपछि लखनउले २ खेलमा २ अंक जोडेको छ। पहिलो खेलमा लखनउ गुजरात टाइटन्ससँग पराजित भएको थियो।
प्रकाशित मिति: बिहीबार, मंसिर ८, २०७९ १३:१९
प्रतिक्रिया दिनुहोस्
