काठमाडौँ - नेपाली बजारमा शुक्रबार सुनचाँदीको मूल्यमा वृद्धि भएको छ । आज छापावाल सुनको मूल्य प्रतितोला ८ सय रुपैयाँले बढेर ९९ हजार ७ सय कायम भएको नेपाल सुनचाँदी व्यावसायी महासंघले जनाएको छ । बिहीबार छापावाल सुन प्रति तोला ९८ हजार ९ सय रुपैयाँमा कारोबार भएको थियो । महासंघका अनुसार आज तेजाबी सुन प्रतितोला ९९ हजार दुई सयमा कारोबार भइरहेको छ । आज (शुक्रबार) चाँदी प्रति तोला १ हजार ३ सय ६० रुपैयाँमा कारोबार भइरहेको छ । अघिल्लो दिन भने चाँदी प्रति तोला १ हजार ३ सय ५० रुपैयाँमा कारोबार भएको थियो ।