काठमाडौँ – दक्षिण कोरियाली वायु सेनाका दुई वटा विमान आपसमा ठोक्किदा ३ जनाको मृत्यु भएको छ ।
दक्षिणपूर्वी सहर सचेनस्थित पहाडी क्षेत्रमा तालिमका क्रममा वायु सेनाको दुई विमान ठोक्किएको अधिकारीहरुले बताएका छन् ।
उक्त दुर्घटनामा एक जना घाइते भएको समाचार संस्था एपीले जनाएको छ ।
दुर्घटनामा जमिनमा रहेका कोही पनि सर्वसाधारण नागरिक हताहत भएको भन्ने विवरण प्राप्त नभएको एक अधिकारीले बताएका छन् ।
उद्दारका लागि तीन हेलिकोप्टर, २० वटा गाडी तथा दर्जनौँ उद्दारकर्मी परिचालन गरिएको छ ।
दुई विमान ठोक्किनुको कारण अझै खुल्न सकेको छैन ।
प्रकाशित मिति: बिहीबार, मंसिर ८, २०७९ ०७:४८
प्रतिक्रिया दिनुहोस्
