काठमाडौं - मदन कृष्ण श्रेष्ठको आवाजमा ‘तिमीलाई जब गुमाएँ...’ बोलको गीत सार्वजनिक भएको छ । सराना बज्राचार्यको निर्देशन र कन्सेप्टमा तयार गीतको भिडियोमा अभिनेत्री केकी अधिकारी र अभिनेता नाजिर हुसेन फिचर्ड छन् । आफूहरु जन्मिनु अगाडि लेखिएको गीतको भिडियोमा फिचर्ड हुन पाउँदा खुशी लागेको भन्दै नेपाली कला क्षेत्रका जिउँदो इतिहास मदन कृष्ण श्रेष्ठसँग सहकार्य गर्न पाउँदा आफूलाई भाग्यमानी महसुस भएको कलाकारद्धय अधिकारी र हुसेनले बताए ।

सरला श्रेष्ठको शब्द रहेको गीतमा कृति न्यौपानेले संगीत भरेका छन् । गीत सफ्ट मेलोडी शैलीमा सम्बन्धमा हुने सानो गल्तीले सम्बन्ध कसरी टुट्न सक्छ भन्ने कथा समेटिएको छ ।