काठमाडौँ – बलिउड अभिनेत्री मलाइका अरोरा सवारी दुर्घटनामा परेकी छन् । मुम्बई पुणे एक्सप्रेस वे नजिक खोपालीमा सवारी दुर्घटनामा परेकी अभिनेत्री मलाइकालाई अपोलो अस्पताल भर्ना गरिएको छ ।

चिकित्सकले मलाइकाको स्वास्थ्य अवस्था खतरा मुक्त रहेको बताएका छन् ।

प्रहरीले दुर्घटनाबारे अनुसन्धान अगाडि बढाएको छ । पुनेमा आयोजित एक फेसन शोमा सहभागी भएर मुम्बई फर्किंने क्रममा शनिबार साँझ उनी दुर्घटनामा परेकी थिइन् ।

टाइम्स अफ इन्डियाका अनुसार मलाइका आज अस्पतालबाट डिस्चार्ज हुँदैछिन् । उनको टाउकोमा सामान्य चोट लागेको र सिटी स्क्यानसमेत गरिएको बताइएको छ ।