काठमाडौँ - नेपाली बजारमा निरन्तर ओरालो लागिरहेको सुनको भाउ आज (आइतबार) पनि घटेको छ ।
यस दिन छापावाल सुनको मूल्य प्रतितोला ४ सयले घटेर ९९ हजार ३०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
गत साताको अन्तिम कारोबार दिन शुक्रबार सुनको मूल्य प्रतितोला ९९ हजार ७०० रुपैयाँ थियो । गत सातामात्रै सुनको मूल्य १२ सय रुपैयाँले घटेको थियो ।
यस्तै आज तेजाबी सुनको मूल्य पनि घटेर ९८ हजार ८०० मा कारोबार भइरहेको महासंघले जनाएको छ । गत साताको शुक्रबार प्रतितोला ९९ हजार २०० रुपैयाँमा आइपुगेको थियो ।
गत साता निरन्तर घटेको चाँदीको मूल्य आज भने स्थिर छ । आज चाँदी प्रतितोला १३ सय ६० रुपैयाँमा कारोबार भइरहेको छ । गत साताको शुक्रबार पनि चाँदीको मूल्य १३ सय ६० नै थियो ।
प्रकाशित मिति: बुधबार, मंसिर ७, २०७९ २१:३२
प्रतिक्रिया दिनुहोस्
