काठमाडौँ - फ्रेन्च लिग वान फुटबलमा पेरिस सेन्ट जर्मेन (पीएसजी) ले लोरियन्टलाई ५-१ गोलले फराकिलो जित दर्ता गरेको छ ।
आइतबार राति भएको खेलमा पीएसजीको जितमा नेयमार र केलियन एमबाप्पेले दुई दुई गोल गरे । लियोनल मेस्सीको नाम एक गोल रह्यो ।
खेलको १२ औं मिनेटमा नेयमारले गोल गर्दै टोलीलाई सुरुआती अग्रता दिलाएका थिए ।
२८ औं मिनेटमा एमबाप्पेले गोल गर्दै पीएसजीको अग्रता दोब्बर बनाए ।
खेलको ५६ औं मिनेटमा टेरेम मोफीले गोल गर्दै लोरियन्टलाई २-१ को स्थितिमा ल्याए ।
६७ औं मिनेटमा एमबाप्पेले व्यक्तिगत दोस्रो गोल गरेपछि पीएसजी ३-१ ले अघि रह्यो ।
खेलको ७३ औं मिनेटमा मेस्सीले गोल गर्दै पीएसजीको अग्रता ४-१ को बनाए ।
त्यसपछि खेलको ९० औं मिनेटमा नेयमारले व्यक्तिगत दोस्रो गोल गर्दै पीएसजीलाई ५-१ को जित दिलाए ।
यस जितसँगै पीएसजीले ३० खेलमा ६८ अंक जोडेर तालिकाको पीएसजी शीर्ष स्थानमा यथावत रहेको छ ।
लोरियन्ट २८ अंक जोडेर १६ औं स्थानमा रहेको छ ।
