काठमाडौं – ‘बाहुबली’ निर्देशक एसएस राजामौलीको फिल्म ‘आरआरआर’ को पछिल्लो समय निकै चर्चा छ । यस फिल्मले शुरुवातदेखि नै बक्सअफिसमा धमाकेदार कमाई गरेको छ । एनटिआर र रामचरणको मूख्य भूमिका रहेको यस फिल्मले हालसम्म ५ सय करोडको व्यापार गरेको छ ।
पहिलो दिनमै विश्वव्यापी बक्स अफिसमा २ सय करोडको व्यापार गरेको यस फिल्मले लगानी भन्दा बढी व्यापार गरिसकेको छ । ५५० करोडको बजेटमा बनेको यस फिल्मले हालसम्म विश्वभरमा ७ सय १० करोड जम्मा गरेको छ ।
भारतको स्वतन्त्रताको कथा देखाइएको यस फिल्म हेरेर फर्केका दर्शकले राम्रो प्रतिक्रिया दिएका छन् । फिल्ममा एनटिआर र रामचरणसँगै अजय देवगन, आलिया भट्ट, ओलिभिया मोरिस लगायतका कलाकारको अभिनय रहेको छ ।
प्रकाशित मिति: बिहीबार, मंसिर ८, २०७९ २०:४८
प्रतिक्रिया दिनुहोस्
