काठमाडौँ– एस एस राजामौलीको चलचित्र ‘आरआरआर’ बक्स अफिसमा एक हजार करोड रुपैयाँको कमाइ नजिक पुगेको छ । चलचित्र प्रदर्शन भएको दशौँ दिनसम्ममा बक्स अफिसमा ९०१ करोड कमाइ गरेको छ । चलचित्रको कमाइ एक हजार करोड नजिक पुगेको अवसरमा दक्षिण भारतीय चलचित्र उद्योग ‘टोलीउड’ निर्माता दिल राजु र सिरिशले आरआरआर टिमलाई सक्सेस पार्टी दिएको छ । जुनियर एनटीआर र राम चरण तेजा प्रमुख भूमिकामा रहेको यस चलचित्रले थुप्रै रेकर्डसमेत तोडिसकेको छ । चलचित्रको सक्सेस पार्टीमा जुनियर एनटीआर र उनकी पत्नी लक्ष्मी प्रणती तथा राम चरण र उनकी पत्नी उपासना कोनिडेला पनि उपस्थित रहेको भारतीय अनलाइन भास्कर डटकमले जनाएको छ ।