अफगानिस्तान – तालिबानले मिडियामा आक्रमणलाई तीब्र बनाएको छ । देशका पत्रकारले अफगानिस्तानबाट अब रिपोर्ट गर्न झनै गाह्रो हुँदै छ, ह्युमन राइट्स वाच (एचआरडब्ल्यू) ले बुधबार प्रकाशन गरेको छ।
अब अफगानिस्तानबाट रिपोर्ट गर्न धेरै गाह्रो छ, पूर्वी प्रान्त नान्गाहारका एक पत्रकारले भने। ह्युमन राइट्स वाचका अफगानिस्तान अनुसन्धानकर्ता फेरेस्ता अब्बासीले भने, केही पनि हुन सक्छ, केवल एक रिपोर्ट वा कार्यक्रमको लागि तपाईलाई गिरफ्तार, कुटपिट, यातना वा मारिन पनि सकिन्छ।
एक रिपोर्टमा, अब्बासीले मार्च २८ मा, तालिवानको गुप्तचर महानिर्देशनालयका सुरक्षा अधिकारीहरूले दक्षिणी सहर कान्दाहारका चार रेडियो स्टेशनहरूको कार्यालयमा संगीतमा प्रतिबन्धको उल्लंघन गरेको आरोपमा छापा मारेका थिए र छ जना पत्रकारहरूलाई हिरासतमा लिएका थिए भनी लेखेका छन् ।
सोही दिन, तालिबान अधिकारीहरूले अफगानिस्तानका आउटलेटहरूलाई भ्वाइस अफ अमेरिका र बीबीसी लगायतका अन्तर्राष्ट्रिय समाचार कार्यक्रमहरू दारी, पश्तो र उज्बेक भाषाहरूमा प्रसारण गर्न प्रतिबन्ध लगाए। यो नयाँ प्रतिबन्ध स्वतन्त्र जानकारीको पहुँचलाई सीमित गर्न तालिवानको पछिल्लो उपाय हो, एचआरडब्लुले रिपोर्ट गरेको छ।
मार्च १७ मा, तालिबानले समाचार प्रस्तोता बहराम अमान सहित टोलो न्यूजका तीन कर्मचारीहरूलाई हिरासतमा लिए। सन् २०२१ को अगस्टमा तालिबानले कब्जामा लिएपछि मिडियामाथिको प्रतिबन्ध बढेको छ र सयौं मिडिया आउटलेटहरू बन्द भएका छन्।
– एएनआई
