काठमाडौँ - मंगलबार एक सय रुपैयाँले बढेको सुनको मूल्य आज (बुधबार) तीन सय रुपैयाँले घटेको छ ।
नेपाल सुनचाँदी व्यवसायी महासंघका अनुसार बुधबार छापावाल सुनको मूल्य तोलाको ९८ हजार ५०० कायम गरिएको छ । मंगलबार छापावाल सुनको मूल्य तोलाको ९८ हजार आठ सय रुपैयाँमा कारोबार भएको थियो ।
बुधबार तेजावी सुनको मूल्य पनि ३ सय रुपैयाँले घटेको छ । यसदिन तेजावी सुन तोलाको ९८ हजार रुपैयाँ निर्धारण गरिएको छ ।
यस्तै, चाँदीको मूल्य ५ रुपैयाँले घटेको छ। मंगलबार एक हजार तीन सय ४० रुपैयाँमा कारोबार भएको चाँदी बुधबार एक हजार तीन सय ३५ रुपैयाँमा कारोबार भइरहेको छ ।
प्रकाशित मिति: बुधबार, मंसिर ७, २०७९ २२:२७
प्रतिक्रिया दिनुहोस्
